DEAR Papa Joe,

I’m Lyra, 25 years old. Akong problema is about sa akong partner name Kirby. Mag six years na mi karon nga year. Buntis pa lang ko nakahibawo ko nga naa siyay nabuntisan pud nga babaye, kaedad ra sa akong baby. Ang iyang napaangkan duna nay duha ka mga anak. Ikatulo ang iyaha which is lainlain og amahan bali ang tulo. But if ako gyud siya nga pangutan-on if iyaha ba gyud ang baby, mosulti siya nga iyaha man daw kay maoy estorya sa mga tawo. Wala pa man gud siya kakita sa baby.

Pagdayon og panganak nako, siya gyud ang nagbantay nako kay bisan pagkabuntis nako, niipon siya sa amoa. Gisayuran mi but dili man gusto akong parents makasal me kay lagi wa sila kauyon ni Kirby. Ang akong problema kay maglagot gyud ko maghuna-huna nga naa siyay lain nga baby.

Mosurok gyud akong dugo. Akong family patuohon gyud ko nga naa na siya baby but dili ko ganahn nga moangkon nila nga kahibawo ko kay dili man ko ganahan nga magproblema sila nako.

Ang akong gihuna-huna karon ang future na lang sa akong baby. Apan walay adlaw nga dili ko makahuna-huna sa babae uy. Maglagot ko bisan pila na ka years ko nakahibawo, sakit gihapon kaayo. Unsay angay pud nako i-react if makakita mi sa girl? Daghan man gud ang mosulti nga bigaon ang girl kay tulo na ka buok iyang baby then lainlain og amahan. Tambagi ko palihog, Papa Joe.

LYRA

Day Lyra,

Dili sa ingon nga 3 nay anak sa babaye kay bigaon na lang. Kay kon mao na lang na iyang pagkatawo, di nalang siya magpamabdos. Pwede man siya mag-control. Dili man tanan tawo gud pareha uo prinsipyo sa kinabuhi. Basin og usa sa mga rason mao nga nangyawat siya kon momahal niya ang lalake ug ang pagmabdos maoy paagi nga siya mahalon.

Usa pa, di lang sad ang babaye ang basulon nimo kay maayo sad ni mamulatik ang mga lalake. Kon mahal ka sa imong uyab gyud, nganong nabuhat man na niya nipatol atong bayhana nga naa na may anak ug naa na siyay uyab? Nigawas lang gyud ang sakit sa iro sa imong uyab, di ba?

Now, ayaw kalagoti ang babaye kay biktima sad siya ug ikaw basin maparehas ra sad niya kay wala ra ba ka paskasli pa. You pray to God nga magtarong siya nimo ug unsa may obligasyon niya sa iyang anak sa pikas, iyang sagubangon.

Masayop man gyud ang tawo. Ang angay mao tul-iron sa imong uyab tanan, kon unsaon? Siya ra gyud ang nakahibawo ana. Salamat.